СЕЕМО ја осуди полициската акција врз новинари
Организацијата на медиумите во Југоисточна Европа (СЕЕМО) ја осудува неодамнешната полициска акција против група новинари од Тетово, соопшти вчера таа организација со седиште е во Виена.
„СЕЕМО ги повикува авторитетите во Скопје да демонстрираат посветеност кон заштита на новинарите и, генерално, слобода на говорот“, се наведува во реакцијата.
Според истиот извор, полицијата пред десетина дена запрела возило во околината на Куманово, со група новинари од весникот на албански јазик „Шкип Медиа“ од Тетово. Полицијата, без причина, 30 минути го претресувала нивното возило, иако тие се идентификувале како новинари што се упатиле кон Куманово да известуваат за изборната кампања, се наведува во реакцијата на СЕЕМО.Според Насер Пајазити, уредник во „Шкип Медиа“ и еден од патниците во возилото, „новинарите се почувствуваа дека се третирани како обични криминалци и се пожалија дека доцнеа на својата задача поради полициската акција“. |
EUR 61.50
AUD 42.50
USD 46.83
GBP 73,63
