Изложба на современа македонска фотографија во Риека

Дела од 31 автор ќе бидат поставени на изложбата „Сеовремена македеонска фотографија“ што вечерва ќе биде отворена во галеријата „Принципиј“ во Риека, Хрватска.

Изложените фотографии се избрани од уметничкиот совет на Фотосојузот на Македонија. Нивна цел била да се презентира фотографијата во Македонија денес, автори од разни генерации, кои работат самостојно или како членови на фотоклубовите, како и мотивите и идеите со кои тие се најчесто преокупирани.

„Творечките патишта на авторите се различни, а методиологиите силни и персонални. Резултатот на овие индивидуалности е актуелна и современа фотографија, која со самиот чин на избор од страна на стручното тело се престорува во историски факт и по овој автоматизам преминува во архивски материјал. Не само архивски материјал, туку добива значење на културно добро бидејќи ја претставува фотографската работа на една земја. Духот и свежината од непосредноста на овие фотографии силно се чувствува“, пишува проф. Борислав Божиќ во изложбениот каталог.

Изложбата ќе ја отвори Горан Калоѓера, почесен конзул на Македонија во Хрватска.