|
Неизвесен вториот бесплатен скрининг за Даунов синдром Неизвесно е дали државата ќе плаќа и за вториот задолжителен скрининг на трудниците, со кој во 12-тата недела од бременоста може да се открие Даунов синдром кај плодот и други хромозомски аномалии.
Членовите на Комитетот за безбедно мајчинство изјавија дека ќе бараат ова испитување да биде бесплатно, а ќе бараат и задолжителни лиценци за гинеколозите што вршат дијагностика на аномалии кај плодот.
Од Фондот за здравство тврдат дека сега синиот картон важи за скринингот што се прави во 10. и 30. недела на Институтот за патофизиологија и на Клиниката за гинекологија.
- Испитувањето на ризикот од Даунов синдром е само предлог до Министерството за здравство. За тоа треба софтвер преку кој од податоците од ултразвук и од хормоналното испитување кај трудницата се добива податок дали плодот би можел да има ризик од хромозомски нарушувања. Лабораторијата „Авицена“ го набавила овој софтвер, а за тоа дали скринингот ќе биде бесплатен допрва треба да се изјаснат од Министерството за здравство - вели Бранко Аџигогов, портпарол во Фондот за здравство.
За тоа дали лековите со кои се спречуваат компликации при породување ќе ги плаќа Фондот за здравство, Аџигогов вели:
- За тоа до Управниот одбор на Фондот, предлог дава Комисијата за позитивна листа. За да влезе нов лек, од таа група треба да се исфрлат прво старите лекови. Кога ќе го добиеме предлогот, УО ќе го стави на гласање - вели Аџигогов. (Љ.Б.) |
# |
|
|
EUR 61.50
AUD 42.50
USD 46.83
GBP 73,63
