ИЗМЕНИ ВО ЗАKОНОТ ЗА РАБОТНИТЕ ОДНОСИ

Тестот за бременост е небитен при вработување

Ако работодавец ја дискриминира жената поради мајчинство, таа треба да го пријави во трудова инспекција

 Ако некој работодавец при интервју за вработување се осмели на жена да ~ постави прашања од типот: дали сте бремена, дали планирате наскоро да зачнете, колку децата посакувате или на која страна од креветот спие вашиот сопруг, ќе се соочи со трудова инспекција, рочишта на надлежните судови и казни до 3.000 евра.

Овие мерки за спречување дискриминација на жената при вработување се дел од измените на Законот за работните односи. Со овие измени Министерството за труд и социјална политика и Владата забрануваат дискриминација во случај на бременост или мајчинство. Законот е усогласен и со Меѓународната конвенција за заштита при мајчинство, со која се забранува при вработување на жените да им се бара и тест за бременост.

- Забраната за дискриминација важи и за веќе вработените жени. Тие не смеат да добијат отказ за време на бременост, породилно отсуство и родителство, освен, ако за тоа време не направиле некој криминал. Не може да биде избркан од работа ниту маж кој, наместо мајката, користи породилно боледување - вели Ристовски.

Според резултатите на Институтот за политички истражувања, дури 21,4 отсто од испитаничките изјавиле дека при интервју за работа им било поставено прашањето дали наскоро планирате да раѓате деца, а дури 67 отсто од нив се сигурни дека нивниот одговор околу раѓањето и децата влијаел врз исходот од интервјуто. Според испитувањето, само 3 отсто од испитаниците потврдиле дека потпишале бланко-образец кој може да се употреби за отказ за кој нема приговор.

(М.Т.)