Споменик на Пушкин во паркот во Кисела Вода
Споменик на познатиот руски поет Александар Сергеевич Пушкин ќе биде свечено откриен вечерва во 20 часот, во паркот што го носи неговото име, на улицата Пушкинова. Повод за откривањето на обележјето е 210- годишнината од раѓањето на поетот.Бронзениот споменик на Пушкин е подарок од Меѓународната федерација на рускојазични писатели, која обединува литератори од 52 држави во светот. Го изработил познатиот руски скулптор, Леонид Ватник.
На свеченоста ќе настапат естраден уметник од Русија, рускиот вокален ансамбл „Чајка“, ученици од ОУ „Кузман Јосифовски-Питу“ и културно уметнички друштва од општината Кисела Вода, а Меѓународната федерација на рускојазични писатели ќе врачи орден и медали. Ќе присуствуваат градоначалникот на Кисела Вода, Марјан Ѓорчев, министерката за култура Елизабета Канческа-Милевска, амбасадорот на Руската Федерација, Владимир Солоцински и претседателот на Меѓународната федерација на рускојазични писатели, со делегација од Русија. |
EUR 61.50
AUD 42.50
USD 46.83
GBP 73,63
