|
Кристина Арнаудова сними нова песна Пејачката Кристина Арнаудова ја сними својата нова песна, „Те сакам до крај“, која е најава за нејзиниот нов албум, кој ќе излезе во април 2011 година. Автор на темата е американскиот композитор и продуцент Мајкл Ли Џексон, најпознат по тоа што му е верен соработник на Ијан Гилан од „Дип парпл“ и работи на неговите последни три албуми, како автор на композиции, и гитарист.
Песната е комплетно отсвирена во живо со повеќе од 20 музичари во едно од најголемите студија во Лос Анџелес, а само вокалот на Кристина се снимал во Македонија во студиото „До, ре, ми“ каде што ќе продолжи снимањето на вокалите за албумот. Англиската верзија на песната се вика Love You for Life.
Македонскиот текст е на Кристина, а и двете верзии ќе бидат пуштени на радиостаниците. Финалниот микс на песната е на Кокан Димушевски, кој ќе ја работи и тонската продукција на албумот. Мастерингот ќе го работи Ник Благона, во Канада, кој работел на албуми на „Полис“, „Дип парпл“, „Чикаго“. Целата екипа што го работи албумот летово ќе биде во студио и се надеваат дека до крајот на август албумот ќе биде при крај. Спотот за оваа песна ќе излезе на 1 септември, а премиерно ќе се прикаже на регионалниот канал „Ем-ти-ви“. |
# |
|
|
EUR 61.50
AUD 42.50
USD 46.83
GBP 73,63
