Локалните радија бараат враќање во јавниот сервис
Процесот на трансформација на јавните локални радиостаници да се сопре, а овие информативни куќи да бидат повторно дел од јавниот сервис, побараа 29-те радиодифузери вчера на прес-конференција во Велес.
- На продажба се понудени првите седум локални јавни радиостаници, но кој ќе ги купи и за тие малку пари, кога новиот сопственик ќе наследи милионски суми долгови. Затоа треба Законот за радиодифузијата од 2005 година да се промени, за што до Владата имаме поднесено неколку амандмани - изјави Јованка Дојранлиева, претседателка на Здружението на јавните локални радија.
Со јавниот оглас дел од локалните радија се продаваат од 300 до 5.000 евра, со тоа што долговите за неисплатени плати, придонеси, сметки за струја, телефон и вода стигнуваат и до 5 милиони денари.
Директорот на Радио Штип, Трајче Јованов посочи дека продажбата е во спротивност со Законот за трансформацијата на општествен капитал, на кој се повикува овој тендер. Јавните локални радиодифузери потсетуваат дека 17 од нив се единствен извор на информирање во исто толку општини и дека со оваа трансформација ниту едно радио нема да се продаде, а 260 вработени ќе останат на улица.
(П.П.) |
EUR 61.50
AUD 42.50
USD 46.83
GBP 73,63
