„Босанската пирамида“ ги загуби владините покровители
Министерот за култура на федерацијата Босна и Херцеговина решил да престане да го финансира проектот „Босанска пирамида на Сонцето“. Министерот за култура, Гаврило Граховац, оценил дека активностите во Високо „не се сериозни археолошки ископувања“.
Мислењата за феноменот со пирамидата се поделени во Босна, па јавни личности го негираа постоењето на пирамидата и велеа дека ќе се самозапалат ако се докаже дека под ридовите има пирамиди. Многу политичари дадоа поддршка на ископувањата во Високо, експертите протестираа, а на граѓаните идејата за пирамиди им беше многу интересна.
Според оценките на Министерството за култура, кредибилитетот на луѓето што учествуваат во ископувањата е „недоверлив“. Од Министерството објаснуваат дека научните истражувања покажале дека ридот Височица е природна геолошка формација, чиј релјеф е последица на природно тектонско движење. |
EUR 61.50
AUD 42.50
USD 46.83
GBP 73,63
