|
Со дигитализација македонското богатство поблиску до светот Процесот на дигитализација претставува важен сегмент во остварувањето на целокупната културна политика во државава и влијае на културниот развој на земјава. Со дигитализацијата нашето културно наследство ќе биде достапно не само во Македонија туку и во земјите од Европската Унија и во светот. На овој начин секој ќе може да види и да се запознае со она што ние како земја го поседуваме - рече, меѓу другото, Драган Недељковиќ, заменик-министер за култура, на вчерашната расправа на која Министерството за култура го презентира нацрт-планот на националната стратегија за дигитализација на културното наследство во Република Македонија. Тој изрази надеж дека на тој начин нашето културно наследство ќе биде достапно не само во Македонија туку и во земјите од Европската Унија и во светот. На овој начин секој ќе може да види и да се запознае со она што ние како земја го имаме. Стратегијата за дигитализација на културното наследство не е замислена како една сеопфатна активност за дигитализација, туку е збир на активности со кои ќе се постигнат повеќе цели.
- Дигитализација е само дел од процесот на вклучување на заштитата на културното наследство во развој на информатичкото општество во државата. Таа значи придонес во неговата подобра и поадекватна заштита преку квалитетно изговарање, обработка, сместување, чување и користење на постоечката и идна документација за повеќе намени. Ќе се обработува во рамки на програмирани активности, согласно програмата и акциониот план, според приоритетна листа со активности, согласно усвоените норми и стандарди - рече Лазар Шуманов, координатор на работната група.
Шуманов додаде дека периодот од јуни 2009 до 31 декември 2012 година треба да се смета како пилот-период во проектирањето и реализацијата на националната стратегија за дигитализација. Потоа, сите носители на активностите ќе достават целосен извештај за реализација, во кој ќе бидат забележани резултатите, позитивни и негативни, а ќе се предложат и мерки за продолжување и коригирање на слабите резултати.
Проектот за дигитализација на културното наследство ќе им овозможи на сегашните и на идните генерации, пред се', пристап до содржини и информации за културното наследство на земјава. (Е.М.) |
# |
|
|
EUR 61.50
AUD 42.50
USD 46.83
GBP 73,63
